382¹-modda. Intellektual mulk ob'yektlarining bojxona reyestriga kiritilgan intellektual mulk ob'yektlariga bo'lgan huquqlarni himoya qilish bo'yicha bojxona organlarining harakatlari
The text of the Code is shown in Uzbek (Latin script); no translation is provided on this site.
Bojxona organlari olib kirilayotgan yoki olib chiqilayotgan tovarlarning bojxona nazorati va rasmiylashtiruvi jarayonida Intellektual mulk ob'yektlarining bojxona reyestriga kiritilgan intellektual mulk ob'yektlariga bo'lgan huquqlar buzilganligi belgilarini aniqlagan taqdirda:
huquq egasini bu haqda bir ish kuni ichida xabardor qiladi;
xabardor qilingan sanadan e'tiboran bir ish kuni ichida huquq egasidan ariza kelib tushgan taqdirda — ularning huquqlarini himoya qilish bo'yicha ushbu Kodeksning 382-moddasiga muvofiq choralar ko'radi;
huquq egalaridan ariza bojxona organlariga kelib tushmagan taqdirda — tovarni ushbu Kodeksga muvofiq chiqarib yuborishni amalga oshiradi.
Intellektual mulk ob'yektlarining bojxona reyestriga kiritilgan intellektual mulk ob'yektlariga bo'lgan huquqlarning buzilganligi belgilari tovarlarning bojxona nazorati shakllari qo'llanilgan holdagi bojxona rasmiylashtiruvi chog'idagi xavfni boshqarish tizimi natijalariga ko'ra aniqlanadi.
The official text is the Cyrillic version on lex.uz; this Latin-script copy is for reference only — check the current version on lex.uz.