281-modda. Elektron shaklda xizmatlar koʻrsatishda chet el yuridik shaxslari tomonidan soliq hisobotlarini taqdim etish va soliqni toʻlash tartibi
The text of the Code is shown in Uzbek (Latin script); no translation is provided on this site.
Ushbu Kodeksning 82-moddasida belgilangan elektron shakldagi xizmatlar koʻrsatuvchi chet el yuridik shaxslari soliq organiga soliq hisobotini soliq toʻlovchining shaxsiy kabineti orqali, belgilangan format boʻyicha elektron shaklda taqdim etadi.
Chet el yuridik shaxslari tomonidan soliq organiga hujjatlarni (axborotni) va maʼlumotlarni taqdim etish uchun soliq toʻlovchining shaxsiy kabinetidan foydalanish mumkin boʻlmagan davrda bunday hujjatlar (axborot) va maʼlumotlar telekommunikatsiya aloqa kanallari orqali taqdim etiladi.
Soliq hisobotlari, hujjatlar (axborot) va boshqa maʼlumotlar oʻtgan chorakdan keyingi oyning yigirmanchi kunidan kechiktirmay taqdim etiladi.
Chet el yuridik shaxslari tomonidan soliqni toʻlash soliq hisobotini taqdim etish muddatidan kechiktirmay amalga oshiriladi.
The text is based on the version published on lex.uz as of 6 August 2026. Amendments published on 11 September and 21 October 2026 are not yet included in this text; check the current version on lex.uz. This Latin-script copy is for reference only.