478-modda. Advokatlar daromadlariga soliq solish
The text of the Code is shown in Uzbek (Latin script); no translation is provided on this site.
Advokatlar tomonidan yuridik yordam koʻrsatganlik uchun olinadigan gonorarlar summalariga ushbu moddada nazarda tutilgan xususiyatlar hisobga olingan holda, mazkur Kodeksning XIII boʻlimida belgilangan tartibda jismoniy shaxslardan olinadigan daromad soligʻi solinadi.
Advokatning daromadlari jismoniy shaxslardan olinadigan daromad soligʻi solish obyektidir.
Advokatning daromadi advokat tomonidan yuridik yordam koʻrsatilganligi uchun olingan summa bilan advokatlar hayʼatlarini, advokatlik firmalarini va advokatlik byurolarini saqlab turish uchun oʻtkaziladigan mablagʻlar summasi oʻrtasidagi farq sifatida aniqlanadi.
Soliq bazasi advokatning daromadidan uning daromadida hisobga olinadigan ijtimoiy toʻlov chegirib tashlangan holda aniqlanadi.
The text is based on the version published on lex.uz as of 6 August 2026. Amendments published on 11 September and 21 October 2026 are not yet included in this text; check the current version on lex.uz. This Latin-script copy is for reference only.