176-modda. Bojxona omborining, boj olinmaydigan savdo do'konining va erkin omborning faoliyatini litsenziyalash
Текст кодекса приводится на узбекском языке (латиница); перевода на этом сайте нет.
Bojxona omborining, boj olinmaydigan savdo do'konining va erkin omborning faoliyatini litsenziyalash qonunchilikda belgilangan tartibda bojxona organlari tomonidan amalga oshiriladi.
Agar bojxona ombori bojxona organlari tomonidan ta'sis etilayotgan bo'lsa, litsenziya olish talab qilinmaydi.
Bojxona ombori va erkin ombor egalarining tovarlarni va transport vositalarini omborlarga joylashtirayotgan shaxslar bilan o'zaro munosabatlari shartnoma asosida yo'lga qo'yiladi.
O'zbekiston Respublikasi Davlat bojxona qo'mitasi bojxona omborlarining, boj olinmaydigan savdo do'konlarining va erkin omborlarning reyestrlarini yuritadi, shuningdek mazkur reyestrlardagi ma'lumotlarni o'z rasmiy veb-saytiga joylashtiradi.
Официальный текст — на lex.uz кириллицей; эта копия на латинице дана для справки, действующую редакцию проверяйте на lex.uz.