Lozim darajada ehtiyotkorlik nima?
Soliq to'lovchi kontragent tanlayotganda uni oldindan tekshirish majburiyati. Soliq kodeksi tekshirilishi kerak bo'lgan narsalarni sanab o'tadi: kontragent soliq organlarida soliq to'lovchi sifatida hisobga qo'yilganmi; uning ishbilarmonlik obro'si; ishlab chiqarish bazasi va xodimlari bormi; moliyaviy holati; bitim bo'yicha majburiyatini bajara oladimi. Bu talabning soliqdagi oqibati muhim: agar kontragent o'z majburiyatini bajarmagan bo'lsa va soliq to'lovchi bitim tuzayotganda lozim darajada ehtiyotkorlik qilmagan bo'lsa, shu bitim bo'yicha xarajatlar (zararlar) soliq solish maqsadida tan olinmaydi. Soliq organlari kontragentning soliq organida hisobda turgani haqidagi axborotdan va boshqa axborotdan Davlat soliq qo'mitasi belgilagan tartibda foydalanish imkoniyatini beradi.
Manba: Soliq kodeksi, 15-modda