Soliq to'lovchining vakili nima?

Soliq munosabatlarida soliq to'lovchi nomidan ish ko'radigan shaxs. Soliq kodeksiga ko'ra vakil ikki xil bo'ladi. Qonuniy vakil: yuridik shaxsda qonun yoki ta'sis hujjatlari asosida vakillik qilishga vakolatli shaxslar (odatda rahbar), jismoniy shaxsda fuqarolik qonunchiligi bo'yicha uning vakillari. Yuridik shaxs qonuniy vakilining soliq munosabatlaridagi harakati (harakatsizligi) shu yuridik shaxsning harakati hisoblanadi. Vakolatli vakil: soliq to'lovchi soliq, bojxona organlari va boshqa ishtirokchilar bilan munosabatlarda manfaatini ifodalashni topshirgan soliq maslahatchilari tashkilotlari yoki boshqa shaxslar. Yuridik shaxsning vakolatli vakili shartnoma yoki ishonchnoma asosida, jismoniy shaxsniki esa notarial tasdiqlangan ishonchnoma asosida ishlaydi. Davlat organida (jumladan soliq, moliya yoki bojxona organida) mansabdor bo'lib ishlayotgan shaxs vakolatli vakil bo'la olmaydi.

Manba: Soliq kodeksi, 24-modda