Doimiy hisobvaraqlar nima?

Buxgalteriya balansida aks ettiriladigan va hisobot davri oxirida saldoga ega bo'lgan hisobvaraqlar. 21-son BHMS ularni to'rt turga bo'ladi: aktiv (A), passiv (P), kontr-aktiv (KA) va kontr-passiv (KP). Aktiv hisobvaraqda qoldiq va ko'payish debetda, kamayish kreditda yoziladi; passivda aksincha, qoldiq va ko'payish kreditda, kamayish debetda. Kontr-aktiv o'zi bog'langan aktiv hisobvaraq saldosidan chegirilib, aktivning sof qiymatini ko'rsatadi; kontr-passiv xuddi shunday passiv hisobvaraqdan chegiriladi. Doimiy hisobvaraqlarning qarama-qarshisi tranzit hisobvaraqlar: daromad va xarajatlar hisobot davrida ishlatiladi va davr oxiriga saldo qoldirmaydi. Shuning uchun yangi yil doimiy hisobvaraqlarning qoldig'i bilan boshlanadi, tranzitlar esa noldan.

Manba: 21-son BHMS, 3-band (asosiy tushunchalar)