Yordamchi ishlab chiqarish nima?

Asosiy ishlab chiqarishga yoki asosiy faoliyatga yordamchi va xizmat ko'rsatuvchi ishlab chiqarish. 21-son BHMS (124-band) 2310 schyotini quyidagilarni ta'minlaydigan xarajatlar uchun qo'llashni belgilaydi: energiyaning turli xillari bilan xizmat ko'rsatish; transport xizmati; asosiy vositalarni ta'mirlash; asboblar, muhrlar, ehtiyot qismlar, qurilish detallari va konstruksiyalarini tayyorlash yoki qurilish materiallarini boyitish; tosh, shag'al, qum va boshqa ruda bo'lmagan materiallarni qazib olish; yog'och materiallarni tayyorlash va taxta qilish; qishloq xo'jaligi mahsulotlarini tuzlash, quritish va konserva qilish. Ularning xarajatlari 2310 schyotida yig'iladi va xizmat ko'rsatilgan bo'linma xarajatiga o'tkaziladi (21-son BHMS, 123–125-bandlar).