Korxonaning o'zi uchun tuzgan, haqiqatda ishlatadigan hisobvaraqlar ro'yxati. 21-son BHMSga ko'ra tashkilotlar standartning 1-ilovasidagi hisobvaraqlar rejasi asosida moliyaviy-xo'jalik operatsiyalari bo'yicha ishchi hisobvaraqlar rejasini tuzadi va u hisob siyosatida aks ettirilishi lozim. Umumiy reja barcha tarmoqlar uchun yozilgan va unda yuzlab hisobvaraq bor: qishloq xo'jaligi hayvonlari ham, qurilish ham, qimmatli qog'ozlar ham. Ishchi reja esa korxonaga keraklisini ajratib oladi. Shunda buxgalter keraksiz hisobvaraqqa xato yozuv qilmaydi, yangi xodim esa qaysi operatsiya qayerga yozilishini tez tushunadi.