Bojxona rejimi nima?

Chegaradan o'tayotgan tovar bojxona nuqtai nazaridan qanday maqomga ega bo'lishini belgilaydigan qoidalar to'plami: tovar butunlay chiqib ketadimi, vaqtincha keladimi, tranzit o'tadimi yoki omborda kutadimi. Bojxona kodeksi bojxona rejimini "qoidalar majmui" deb ta'riflaydi va 16 ta rejimni sanaydi. Rejimni vakolatli shaxs (tovar egasi yoki uning nomidan ish ko'ruvchi shaxs) tanlaydi, deklarant esa tanlangan rejimni bojxona yuk deklaratsiyasida kod bilan ko'rsatadi. BYD to'ldirish yo'riqnomasining 3-ilovasidagi tasniflagichda 16 ta rejim va ularning kodlari berilgan:

• Eksport (10)
• Reeksport (11)
• Vaqtincha olib chiqish (12)
• Erkin muomalaga chiqarish (import) (40)
• Reimport (41)
• Vaqtincha olib kirish (42)
• Bojxona hududida qayta ishlash (51)
• Bojxona hududidan tashqarida qayta ishlash (61)
• Vaqtincha saqlash (70)
• Erkin bojxona zonasi (71)
• Boj olinmaydigan savdo (72)
• Erkin ombor (73)
• Bojxona ombori (74)
• Davlat foydasiga voz kechish (75)
• Yo'q qilish (76)
• Bojxona tranziti (80)

Manba: Bojxona kodeksi, 15-modda; Bojxona kodeksi, 25-modda; Bojxona kodeksi, 7 va 26-moddalar; BYD to'ldirish tartibi to'g'risidagi yo'riqnoma, 3-ilova